FH vann frábæran sigur á sænska liðinu Sävehof, 34:30, í þriðju umferð H-riðils Evrópudeildar karla í handknattleik í Kaplakrika í gærkvöldi. Var um fyrsta sigur FH í riðlakeppninni að ræða og er liðið þar með búið að vinna sér inn tvö stig í riðlinum
Gleði Jón Bjarni Ólafsson og Ólafur Gústafsson fagna frábærum sigri FH á Sävehof í riðlakeppni Evrópudeildarinnar í Kaplakrika í gærkvöldi.
— Morgunblaðið/Karítas
Evrópudeildin
Gunnar Egill Daníelsson
gunnaregill@mbl.is
FH vann frábæran sigur á sænska liðinu Sävehof, 34:30, í þriðju umferð H-riðils Evrópudeildar karla í handknattleik í Kaplakrika í gærkvöldi.
Var um fyrsta sigur FH í riðlakeppninni að ræða og er liðið þar með búið að vinna sér inn tvö stig í riðlinum. FH er í þriðja sæti á meðan Sävehof er á botninum án stiga.
Í fyrri hálfleik var Sävehof alltaf skrefinu á undan en FH hleypti gestunum þó aldrei lengra frá sér en þremur mörkum. Sá var einmitt munurinn í hálfleik, 15:18.
FH byrjaði síðari hálfleikinn illa og lenti mest fimm mörkum undir í stöðunni 18:23 eftir 40 mínútna leik. Þá hófst hins vegar frækin endurkoma Hafnfirðinga sem
...