Guðmundur Heiðreksson fæddist 23. október 1949 á Akureyri og ólst þar upp við mikið frelsi á Eyrinni.
Hann stundaði nám við Tækniskólann í Reykjavík og lauk þaðan námi í byggingartæknifræði 1972.
Að námi loknu starfaði Guðmundur á verkfræðistofu í Reykjavík í eitt ár en flutti síðan aftur norður á Akureyri þar sem hann starfaði hjá Vegagerðinni frá árinu 1973 til ársins 2017 þegar hann lét af störfum, eða í 44 ár.
Guðmundur var deildarstjóri veghönnunardeildar sem sá um hönnun og útboð vegaframkvæmda á Norðausturlandi og að hluta til á Austurlandi. „Í því starfi hafði ég mikið samband við bændur, sveitarstjórnarfólk og stjórnmálamenn. Á þessu tímabili voru fjórtán samgönguráðherrar en minnisstæðust voru samskiptin við Halldór Blöndal, vegna hans mikla áhuga á samgöngumálum
...