Fjórir létust og fjórtán til viðbótar særðust í gær þegar ráðist var á höfuðstöðvar tyrkneska flugvélaframleiðandans Turkish Aerospace Industries, TAI, sem eru í einu af úthverfum höfuðborgarinnar Ankara
Stefán Gunnar Sveinsson
sgs@mbl.is
Fjórir létust og fjórtán til viðbótar særðust í gær þegar ráðist var á höfuðstöðvar tyrkneska flugvélaframleiðandans Turkish Aerospace Industries, TAI, sem eru í einu af úthverfum höfuðborgarinnar Ankara.
Recep Tayyip Erdogan Tyrklandsforseti fordæmdi í gær árásina og sagði hana vera „viðurstyggilegt hryðjuverk“, en Erdogan var í gær staddur í Kasan, þar sem hann fundaði með Pútín Rússlandsforseta.
Ali Yerlikaya innanríkisráðherra sagði að þrír hinna særðu væru enn í lífshættu, og að tveir árásarmenn, maður og kona, hefðu verið „tekin úr umferð“. Yerlikaya sagði jafnframt að verið væri að bera kennsl á lík árásarmannanna, en hann tjáði sig ekki um það hvort fleiri árásarmenn væru enn á
...