Bandarískur skordýrafræðingur hefur í vísindagrein lýst tegund af algengu amerísku fiðrildi sem ekki hafi verið greind sérstaklega áður. Hefur hann gefið fiðrildinu nafnið Pterourus bjorkae til heiðurs Björk Guðmundsdóttur.
Um er að ræða svölufiðrildi, Tiger Swallowtail á ensku, sem er algengt í Norður-Ameríku. Í grein í The Taxonomic Report sem birt er á vef Nebraska-háskóla segir skordýrafræðingurinn Harry Pavulaan að margir sérfræðingar hafi rannsakað þessi fiðrildi en hópar þeirra í norðausturhluta Bandaríkjanna hafi lítið verið skoðaðir.
Mynstrið á vængjum Pterourus bjorkae bendi til þess að tegundin hafi orðið til við blöndun erfðaefnis fiðrildahópa í Kanada og á Nýja-Englandi á síðustu ísöld.
Fram kemur á pödduvef Náttúrufræðistofnunar að svölufiðrildi séu stór og litskrúðug og finnist víða á norðurhveli jarðar, í Norður-Afríku, Evrópu, Asíu og Norður-Ameríku. Bolur þeirra er um 24 millimetrar að lengd og vænghaf um 80 millimetrar.
Aðeins sé
...