Sverrir Haraldsson fæddist 15. maí 1927. Hann lést 3. október 2024.
Sverrir var kvaddur 12. október 2024.
Konungur landsins.
Hann stendur við vaskinn, uppréttur og einbeittur. Hann er að vaska upp. Eldhúsið er gamalt eins og hann, alvörusveitaeldhús þar sem lífið í húsinu fer fram. Annars staðar í húsinu er prívasí.
Málverkin af Maó, Lenín og Stalín hanga á vegg og brúnaþungir virðast þeir allir horfa haukfránum augum á gestina, sem streyma inn og setjast svo í setukrókinn til að skrafa um nesti og nýja skó, um leið og þeir dreypa á bleksterku kaffinu. Kubbadagatalið telur 17. september, Hraunadag, og gamla klukkan sýnir hvað hún er, og hefði svo sem slegið, en hafði fyrir löngu gefist upp á hávaðanum.
Músarrindill tyllir
...