Geisladiskurinn Logn, sem inniheldur 11 ný sönglög eftir Ingibjörgu Azimu við ljóð fjögurra íslenskra ljóðskálda; Snorra Hjartarsonar, Gerðar Kristnýjar, Sölva Björns Sigurðssonar og Kristínar Jónsdóttur, kemur út í dag á vegum Odradek records
Geisladiskurinn Logn, sem inniheldur 11 ný sönglög eftir Ingibjörgu Azimu við ljóð fjögurra íslenskra ljóðskálda; Snorra Hjartarsonar, Gerðar Kristnýjar, Sölva Björns Sigurðssonar og Kristínar Jónsdóttur, kemur út í dag á vegum Odradek records. Segir í tilkynningu að sönglögin myndi fjóra lagaflokka þar sem flytjendur séu sópran og píanó ásamt mismunandi aukahljóðfærum í hverjum flokki. Í tilefni útgáfunnar verða haldnir tónleikar í Fríkirkjunni í Reykjavík og fara þeir fram í kvöld, föstudaginn 25. október, klukkan 20. Eru tónleikarnir hluti af dagskrá Óperudaga 2024. Upptökur á geisladiskinum fóru fram í Víðistaðakirkju árið 2022 en upptökustjóri var Halldór Víkingsson sem einnig sá um hljóðblöndun og masteringu.