Sviðsljós
Guðm. Sv. Hermannsson
gummi@mbl.is
Þótt nokkuð hafi verið fjallað um listamanninn Ólaf Elíasson í íslenskum fjölmiðlum í kringum síðustu aldamót má segja að hann hafi komist fyrir alvöru í sviðsljósið í október árið 2003 þegar sýning hans, „Verkefni um veðrið“ eða „The Weather Project“, var sett upp í svonefndum túrbínusal Tate Modern-listasafnsins í Lundúnum. Verkið vakti mikla athygli, ekki aðeins í breska listheiminum heldur einnig í hinum alþjóðlega listheimi.
Tate Modern-safnið er á suðurbakka Thamesár við Millennium-brúna, göngubrú sem liggur yfir ána. Húsið var upphaflega rafstöð en var endurbyggt og breytt í listasafn sem var opnað árið 2000. Á hverju ári var listamanni boðið að setja upp sýningu í túrbínusalnum og árið 2003 var
...