Sigur Víkingsliðið vann glæsilegan sigur á Cercle Brugge á fimmtudag.
— Morgunblaðið/Eyþór
Víkingur úr Reykjavík vann frækinn sigur á Cercle Brugge frá Belgíu, 3:1, í annarri umferð Sambandsdeildar karla í fótbolta á Kópavogsvelli á fimmtudag. Víkingur varð þar með fyrsta íslenska liðið til að vinna leik í lokakeppni í Evrópu.
Frammistaða Víkinga gegn belgíska liðinu var valin frammistaða vikunnar af knattspyrnusambandi Evrópu, sem birti svipmyndir úr leiknum á X-síðu Sambandsdeildarinnar.