Stefán Gunnar Sveinsson
sgs@mbl.is
Volodimír Selenskí Úkraínuforseti sagði í gær að leyniþjónustur Úkraínu teldu að Rússar myndu senda hersveitir skipaðar Norður-Kóreumönnum til bardaga um helgina. Sagði Selenskí á samfélagsmiðlum sínum að þetta væri skýr stigmögnun átakanna af hálfu Rússa, og að það skipti máli í ljósi þeirra falsfregna sem borist hefðu af fundi BRICS-ríkjanna í Kasan í Rússlandi.
„Heimsbyggðin getur greinilega séð hin sönnu áform Rússlands: að halda stríðinu áfram,“ sagði Selenskí og bætti við að þjóðarleiðtogar yrðu að svara þátttöku Norður-Kóreumanna í innrás Rússa með festu.
Þá sagði Selenskí að það myndi ekki duga að bregðast við aðild Norður-Kóreumanna að stríðinu með „skeytingarleysi eða óvissum yfirlýsingum“, heldur þyrfti
...