30 ára Margeir er Reykvíkingur, ólst upp í Ártúnsholti og Réttarholti og býr á Háaleitisbraut. Hann er pípulagningamaður, er að læra meistarann, og starfar hjá BYGG. Áhugamálin eru golf, snjóbretti og að hitta vinina.
Fjölskylda Maki Margeirs er Ásdís Helga Másdóttir, f. 1999. Hún er að klára hjúkrunarfræði. Sonur þeirra er Þórhallur Már, f. 2024. Foreldrar Margeirs: Þórhalla Arnardóttir frá Vopnafirði, f. 1964, d. 2022, kennari, lengst af við Verzlunarskóla Íslands, og Hrafn Margeirsson frá Skagafirði, f. 1966, verktaki og fv. handboltamaður, búsettur í Laugardalnum í Reykjavík.