Hreinn Bergsveinsson fæddist 6. júlí 1934. Hann lést 17. október 2024.
Útför hans fór fram 30. október 2024.
Saga okkar er samofin lífi Hreins eða Hreins og Vallýjar öllu heldur því þessi samrýndu hjón voru alltaf saman og gjarnan nefnd í sömu andránni. Allt frá því við munum eftir okkur og reyndar fyrr hefst sameiginleg saga okkar en við fæðingu þess yngra af okkur, þegar móðir okkar lá á fæðingardeildinni fyrir um 68 árum, dvaldi sá eldri okkar, þriggja vetra, hjá Hreini og Vallý, – þau ung og barnlaus. Sögur fara af þessari dvöl en hún reyndist þó ekki hafa latt ungu hjónin til barneigna því þau eignuðust fimm mannvæn börn. Faðir okkar og Hreinn voru bræður og Hreinn og Vallý voru nánustu vinir foreldra okkar og samskipti þeirra alltaf mikil og góð allt þar til foreldrar okkar féllu frá. Þau hjón voru þátttakendur í lífi
...