Markahrókur Orri Steinn Óskarsson í leiknum í Plzen í gærkvöldi.
— AFP/Michal Cizek
Orri Steinn Óskarsson var á skotskónum fyrir spænska liðið Real Sociedad er það mátti þola tap, 2:1, á útivelli gegn Viktoria Plzen í Tékklandi í Evrópudeildinni í fótbolta í gær. Orri lék allan leikinn og jafnaði í 1:1 á 35. mínútu. Í sömu keppni vann Manchester United sinn fyrsta leik er liðið lagði PAOK frá Grikklandi á Old Trafford, 2:0. Amad Diallo skoraði bæði mörk United. Tottenham mátti þola tap á útivelli gegn Galatasaray, 3:2.