Valdimar H. Jóhannesson
Með góðum rökum má halda því fram að Íslendingar hafi fórnað 20 þúsund milljörðum króna, 20 milljónum milljóna króna eða öðruvísi skrifað 20.000.000.000.000 króna vegna illa grundaðs ótta fyrir rúmum fjórum áratugum um að fiskimiðin umhverfis landið væru í hættu vegna ofveiði. Til að koma í veg fyrir slíkt væri ekki annað ráð vænna en að taka upp stranga kvótastýringu og draga veiðarnar saman um u.þ.b. 60%, t.d. í þorskveiðum. Þannig yrði þorskstofninn byggður upp svo veiðin gæti orðið hin sama og hún hafði verið áður um áratugaskeið, 400-500 þúsund tonn samtals á ári hjá öllum sem voru á veiðum á Íslandsmiðum!
Þjóðin fer líklegast á mis við 200-300 þúsund tonn af þorski árlega sem unnt væri að veiða. Þetta myndi svara til 200 milljarða króna árlega í útflutningsverðmæti þorsks (miðað við 250 þúsund tonn). Þar
...