Kristinn Skæringsson fæddist 25. apríl 1932. Hann lést 20. september 2024.
Útför hans fór fram 11. október 2024.
Góður félagi og vinur til áratuga er fallinn frá, 92 ára að aldri. Kristin hef ég þekkt frá því í æsku.
Kristinn gekk í Rótarýklúbb Kópavogs árið 1975 og sinnti hann öllum helstu stjórnarstörfum klúbbsins. Hann kom inn sem fulltrúi fyrir starfssviðið „skógrækt“ og hafði frumkvæði að skógræktarreit klúbbsins við Lögberg. Klúbbfélagar fóru og gróðursettu í reitinn í mörg ár undir hans stjórn. Kristinn var virkur félagi innan Rótarýklúbbsins í áratugi, en veikindi hömluðu virkri þátttöku í starfi klúbbsins síðustu árin. Hann var heiðursfélagi í klúbbnum og fyrir allmörgum árum gerður að Paul Harris-félaga. Kristinn lærði til skógræktar í kringum 1950 hjá Hákoni
...