Magnús B. Einarson fæddist 29. júní 1943. Hann lést 19. október 2024.
Útför hans fór fram 30. október 2024.
Minn gamli vinur og félagi Magnús B. Einarson er fallinn í valinn. Magnús starfaði í Lionshreyfingunni yfir fjóra áratugi og við minnumst hans með virðingu og þakklæti. Við klúbbfélagarnir erum ríkari eftir kynni okkar við Magnús og hans einstöku eiginkonu Dóru.
Magnús var farsæll í starfi sínu í Lionsklúbbi Mosfellsbæjar og tók virkan þátt bæði í leik og starfi. Hann var allra manna hressastur á herrakvöldum og í sviðamessu, og naut þess að gleðjast með góðum vinum. Hann var alltaf til í að hjálpa öðrum, að leggja lið þeim sem minna mega sín, enda var Magnús góðhjartaður og mikill mannvinur.
Starf Magnúsar fyrir Lions var mikils virði, fyrir
...