Samsýningin Air Conditions verður opnuð í dag, 9. nóvember, kl. 16 í Skaftfelli á Seyðisfirði. Þar sýna Anna Eglite, Inger Wold Lund, Jenny Berger Myhre, Mariana Murcia, Oceanfloor Group, Signe Lidén, Vilhjálmur Yngvi Hjálmarsson og William Kudahl. Í kjölfar opnunarinnar í dag verður haldinn fyrsti af þremur hlustunarviðburðum sýningarinnar og hefst hann kl. 17.
Air Conditions er sýning bæði um loft og í loftinu, að því er segir í tilkynningu, og á henni eru dregin saman verk átta listamanna sem vinna með hljóð, vídeó, teikningu og skúlptúr. Má sjá verk sem vinna á einn eða annan hátt með viðfangsefnið loft og líðandi umhverfi þess.
Allir viðburðirnir verða sendir út í útvarpi og má hlusta á útsendingu í Seyðisfjörður Community Radio 101.7.