Slóðinn seint á fætur fer

Vísnagáta liðinnar viku barst sem endranær frá Páli Jónassyni í Hlíð á Langanesi og var svohljóðandi:

Vegarnafn sá varla ber,

á veiðarfæri neðstur er,

margur kjóllinn hefur hann,

og heiti yfir latan mann.

Eins og vísnaáhugamenn þekkja felst merking lausnarorðsins í hverri línu vísnagátunnar. Helgi Einarsson er fljótur að átta sig:

Vegarslóði' oft vesæll er.

Veiðarfæri slóða ber.

Slóðinn seint á fætur fer.

Finnst og slóði' á kjólum hér.

Guðrún Bjarnadóttir: