Sophie Grégoire Trudeau og Eliza Reid ræða um bækur sínar í Sölku

Sophie Grégoire Trudeau, fjölmiðlakona og fyrrverandi forsætisráðherrafrú í Kanada, gaf nýlega út bókina Closer Together: Knowing Ourselves, Loving Each Other. Í tilkynningu segir að Trudeau muni ræða bókina við Elizu Reid, fyrrverandi forsetafrú, stofnanda Iceland Writers Retreat og höfund bókarinnar Sprakkar, á bókaspjalli sem fram fari í bókabúð Sölku, Hverfisgötu 89, á morgun, þriðjudaginn 12. nóvember, klukkan 17, en bókin fjalli um persónulega vegferð hennar.