Emil Ólafsson fæddist 7. október 1957. Hann lést 15. október 2024.
Útför fór fram
6. nóvember 2024.
Elsku Emil, ég man þegar ég var 10 ára og þið Didda fóruð til San Francisco og keyptuð silfraðan frisbee-disk og gáfuð mér, hvað ég var glaður. Nokkrum árum síðar varstu að kenna við Ísafjarðardjúp og ég kom til að vera hjá ykkur eitt sumar og við spiluðum körfubolta og fórum í sundlaugina og þú sýndir mér náttúruna og sérstaklega alls konar fuglalíf á svæðinu. Ég man hvað þú varst hrifinn af öllum þessum fuglum, sérstaklega himbrima og jaðrakan. Nokkrum árum síðar var ég mjög oft í heimsókn hjá ykkur Diddu og þú bakaðir pítsu frá grunni með ansjósum og við horfðum á bíó saman úr leigðu VHS-tæki. Þegar ég horfi til baka, að hafa litla bróður kærustu þinnar í heimsókn svona oft, varstu aldrei pirraður heldur alltaf jafn gestrisinn.
...