Farinn Ruud van Nistelrooy verður ekki áfram hjá Manchester United.
— AFP/Oli Scarff
Hollendingurinn Ruud van Nistelrooy verður ekki í teymi Portúgalans Rúbens Amorims hjá karlaliði knattspyrnufélags Manchester United. Van Nistelrooy hefur stýrt United í síðustu fjórum leikjum eftir að Erik ten Hag, fyrrverandi stjóri liðsins, var rekinn undir lok síðasta mánaðar. Van Nistelrooy, sem er goðsögn hjá félaginu eftir tíma sinn sem leikmaður, varð aðstoðarþjálfari ten Hags í sumar en hann hefur áður stýrt PSV í heimalandinu.