Farinn Courvoisier McCauley skoraði 18,5 stig að meðaltali fyrir Hött.
— Morgunblaðið/Arnþór Birkisson
Bandaríski körfuknattleiksmaðurinn Courvoisier McCauley hefur yfirgefið Hött en hann gekk til liðs við félagið fyrir yfirstandandandi tímabil eftir dvöl í Lúxemborg. Hann skoraði 18,5 stig að meðaltali, tók sex fráköst og gaf eina stoðsendingu í sex leikjum sínum fyrir félagið.
Höttur hefur farið ágætlega af stað á tímabilinu og situr sem stendur í áttunda sæti deildarinnar með sex stig líkt og Keflavík, Álftanes og KR.