Nanna Kristín segir húsnæðis- og launakostnað gera innlendum smásölufyrirtækjum erfitt fyrir í samkeppni við erlendar netverslanir.
— Morgunblaðið/Karítas
Nanna Kristín tók við sem framkvæmdastjóri hjá Bestseller á Íslandi í byrjun ágúst síðastliðins, en fyrirtækið rekur meðal annars verslanir undir merkjum Selected, Vero Moda, Jack&Jones, Vila, barnafataverslunina Name It og íþróttavöruverslunina Jóa útherja.
Hún segir að það helsta á döfinni hjá Bestseller sé opnun verslana; annars vegar Jóa útherja í Smáralind og hins vegar Selected í Kringlunni á næstu dögum.
Um þessar mundir er Nanna Kristín eins og annað starfsfólk Bestseller í óðaönn að undirbúa jólavertíðina sem hófst með 11.11.-afsláttardeginum. Fram undan eru svo mikilvægustu vikur ársins fyrir smásölufyrirtæki á landinu.
Hverjar eru helstu áskoranirnar í rekstrinum þessi misserin?
Ég myndi segja að helsta áskorunin sem
...