Að detta eða falla milli skips og bryggju sést stundum í bókstaflegri…

Að detta eða falla milli skips og bryggju sést stundum í bókstaflegri merkingu, um slysfarir. Annars að fara forgörðum eða gleymast, líkt og það að falla eða detta milli þils og veggjar. Að lenda milli stafs og hurðar þýðir nokkuð annað: verða útundan, verða afskiptur. En þessi orðtök hafa getið af sér margan skemmtilegan rugling!