Olga Dibrova
Pólitísk ókyrrð ársins 2024 og tregða samstarfsþjóða til að veita Úkraínu varnaraðstoð hefur gefið Rússum tækifæri til að auka glundroða um heim allan. Norður-Kórea, Íran og aðrir leppir Rússa eru í óðaönn að endurmóta alþjóðakerfið til að koma á langtíma glundroða og ófyrirsjáanleika fyrir alla heimsbyggðina. Það er löngu tímabært að setja sigur Úkraínu fram sem eina leiðina til friðar sem byggist á sáttmála Sameinuðu þjóðanna og marghliða samvinnu.
Dagurinn í dag, 19. nóvember 2024, er grafalvarlegur áfangi – þúsundasti dagurinn af hrottalegu og skefjalausu ofbeldi. Rússar halda áfram að beita grímulaust öllum tiltækum leiðum til fjöldamorða til að brjóta niður viðnám Úkraínu og sýna fram á að stuðningur við Úkraínu sé tilgangslaus fjárfesting. Augljóst þjóðarmorð á sér stað. Undanfarna mánuði hafa árásirnar verið hertar
...