Rúnar Guðbjartsson er fæddur 25. nóvember 1934 í Reykjavík og átti heima á Hverfisgötu 96b. „Æskuslóðirnar voru á Hverfisgötu milli Vitastígs, Barónsstíg og Laugavegs,“ segir Rúnar.
„Sex ára var ég sendur með frænku minni og hennar börnum í sveit til ættingja að Grafarbakka í Hrunamannahreppi þegar Bretar hernámu Ísland 1940. Vorum þar eitt sumar. Mín fyrsta sumarvinna var þegar ég var 12 ára. Það var við að afgreiða bensín með handdælu á Ferstiklu á Hvalfjarðarströnd.“
Rúnar gekk í Austurbæjarskóla og Gagnfræðaskóla Austurbæjar og fór svo í Iðnskólann í Reykjavík. Þar hóf hann nám í útvarpsvirkjun hjá Georg Ámundasyni útvarpsvirkjameistara sem lauk með sveinsprófi í útvarpsvirkjun 1955. Hann lauk einnig einkaflugmannsprófi 1953 og atvinnuflugmannsprófi 1955 frá Flugskólanum Þyt. Hann lauk síðan bresku
...