30 ára Anna Margrét er Reykvíkingur, ólst upp í Fossvogi en býr í Grafarvogi. Hún er stúdent frá MR og vinnur á leikskólanum Sunnufold, en er í fæðingarorlofi. Áhugamálin eru ferðalög, klifur, fjallgöngur, skíði og prjónaskapur.
Fjölskylda Eiginkona Önnu Margrétar er Inga Ragna Frostadóttir, f. 1990, með Bs-gráðu í jarðfræði og vinnur á leikskólanum Brekkuborg. Synir þeirra eru Kolbeinn Darri, f. 2021, og Hrafnkell Orri, f. 2024. Foreldrar Önnu Margrétar eru hjónin Guðrún Símonardóttir, f. 1971, með M.Sc.-gráðu í mannauðsstjórnun, og Ólafur Örn Jónsson, f. 1971, með M.Sc.-gráðu í viðskiptafræði og vinnur hjá Icelandair, búsett á æskuheimili Önnu Margrétar.