— Morgunblaðið/Eggert
Vetur konungur bankaði upp á á höfuðborgarsvæðinu í gær, mörgum íbúum að óvörum. Tóku gular veðurviðvaranir gildi síðdegis í gær víða um land.
Lögreglan segir að nokkuð hafi verið um vanbúna bíla í umferðinni og var talsvert af tilkynningum um umferðaróhöpp vegna færðar.
Kristján Kristjánsson, framkvæmdastjóri hjá Árekstur.is, hafði í nógu að snúast og sagði að allir tiltækir bílar hefðu sinnt útköllum.