Geirfuglseggið sem boðið var til sölu.
Geirfuglsegg, sem boðið var upp hjá Sotheby's í Lundúnum á miðvikudag, seldist ekki.
Eggið var metið á 50-70 þúsund pund, jafnvirði 9-12 milljóna króna. Það er kennt við breska bóksalann og náttúrufræðinginn William Yarrell sem var í nánum tengslum við helstu náttúruvísindamenn á 19. öld, þar á meðal Charles Darwin.
Auk eggsins voru boðnir upp ýmsir dýrgripir, einkum húsgögn og skrautmunir.
...