Það er víða komið við í þætti dagsins. Sigurður Ægisson, prestur á Siglufirði, hefur sent frá sér bókina Ókei. Þar setur hann fram og kannar yfir fimmtíu kenningar um upphaf og sögu þekktasta orðatiltækis í heimi – O.K., ok, ókei eða okey.
Sigurður ræðir einnig önnur hugðarefni sem hann er að vinna að. Þar má nefna viðtöl við hundrað einstaklinga sem bjuggu og lifðu á Hornströndum og í Jökulfjörðum fyrrihluta síðustu aldar. Þessi viðtöl tók hann þegar hann var prestur í Bolungarvík. Hann ræðir einhyrninginn sem er útbreiddasta þjóðtrúardýr heims. Þar fer Sigurður langt aftur í skýringum sínum og leitar uppi svör. Var einhyrningurinn hinn útdauði úruxi? Eða eitthvað allt annað? Einhyrningurinn rataði inn í Biblíuna á sínum tíma og má sjá þess stað í Guðbrandsbiblíu og víðar.
Sigurður ræðir trúarlíf Siglfirðinga og reynslu sína
...