Bournemouth Enes Ünal jafnaði metin fyrir heimamenn í gær.
Bournemouth Enes Ünal jafnaði metin fyrir heimamenn í gær. — AFP/Adrian Dennis

Bournemouth og West Ham gerðu jafntefli, 1:1, í 16. umferð ensku úrvalsdeildar karla í knattspyrnu í Bournemouth í gærkvöldi. Það stefndi í markalaust jafntefli í Bournemouth en á 87. mínútu kom Lucas Paquetá West Ham yfir með marki úr vítaspyrnu, 0:1. Aðeins þremur mínútum síðar jafnaði Enes Ünal metin fyrir Bournemouth með glæstu marki beint úr aukaspyrnu, 1:1, og þar við sat. Bournemouth er í sjötta sæti með 25 stig en West Ham í 14. með 19.