Jón Nordal fæddist 6. mars 1926. Hann lést 5. desember 2024.
Útför Jóns Nordals fór fram 20. desember 2024.
Í dag verður kvaddur Jón Nordal tónskáld og skólastjóri Tónlistarskólans í Reykjavík. Hugurinn hverfur aftur til fortíðar. Árið er 1969, undirritaðir eru nemendur í söngkennaradeild Tónlistarskólans ásamt hópi frábærs fólks, statt á ólíkum köflum í lífinu, sumir reyndir og þroskaðir, við hin yngri nýliðar að feta fyrstu alvörusporin. Vaxtarskeiðið eftir setningu laganna um fjárhagslegan stuðning við tónlistarskóla var þá hafið, tónlistarskólar spruttu upp um allt land, þökk sé Gylfa Þ. Gíslasyni menntamálaráðherra. Söngkennaradeildin var þá eina ríkisrekna tónlistarnámið og bauð þriggja ára alhliða menntun. Undir skólastjórn Jóns Nordal starfaði þar harðsnúið lið frábærra kennara sem saman héldu utan um þennan kjarna í skólanum því
...