Liverpool hóf jólatörnina í ensku úrvalsdeildinni í knattspyrnu í gær með sigri á Tottenham í mögnuðum markaleik í London, 6:3, og er því með fjögurra stiga forskot á Chelsea á toppnum ásamt því að eiga frestaðan leik við Everton til góða
Sáttur Mohamed Salah fagnar seinna marki sínu fyrir Liverpool á Tottenham Hotspur-leikvanginum í London í gær, þegar hann kom liðinu í 5:1.
— AFP/Glyn Kirk
England
Víðir Sigurðsson
vs@mbl.is
Liverpool hóf jólatörnina í ensku úrvalsdeildinni í knattspyrnu í gær með sigri á Tottenham í mögnuðum markaleik í London, 6:3, og er því með fjögurra stiga forskot á Chelsea á toppnum ásamt því að eiga frestaðan leik við Everton til góða.
Chelsea tapaði stigum í markalausu jafntefli gegn Everton á Goodison Park nokkrum klukkutímum fyrr og missti af tækifærinu til að fara einu stigi upp fyrir Liverpool og í efsta sætið í nokkra klukkutíma.
Mohamed Salah er orðinn bæði markahæstur og stoðsendingahæstur í deildinni, með 15 mörk og 11 stoðsendingar, eftir að hafa skorað tvö markanna og lagt upp önnur tvö.
Luis Díaz skoraði önnur tvö mörk,
...