Ýmis aukablöð Blaðaukar

Tímamót

Áhrif gervigreindar

Árið 2024 breyttist ótti við gervigreind í ótta við að missa af gervigreind. Tæknin er alls staðar – hvort sem hún er rökrétt eða ekki. Þú þarft kannski ekki gervigreindartannbursta en dráttarvél með gervigreind gæti hjálpað bændum að hámarka framleiðslu sína jafnvel þótt veður sé krefjandi og jarðvegurinn lélegur. Og smásalar eru alls staðar að nýta sér tækni sem tengir stafræna heiminn við ytri raunheiminn (e. phygital) til að aðstoða kaupendur.

Gervigreind mun hafa áhrif á alla þætti hins alþjóðlega hagkerfis, svo sem fjárfestingarbankastarfsemi, neysluvörur, stóriðju og sjálfstæða sérfræðinga, en áhrifa hennar mun gæta á mismunandi vegu. Hvernig mun gervigreind breyta heiminum árið 2025 með gagnlegum hætti og hvar mun hún birtast bara vegna FOMO (ÓVAMA, óttans við að missa af)? Hvaða áhrif mun hún hafa á efnahagsafkomu heimsins?

Við báðum hóp sérfræðinga að íhuga hvernig gervigreind gæti haft áhrif á atvinnulífið og vinnumarkaðinn árið 2025 og næstu ár á eftir. Svör þeirra hafa verið stytt, lesendum til glöggvunar.

Reid Hoffman Það er siðferðisleg skylda okkar að þróa gervigreind áfram Þegar gervigreind ruddist fram á sviðið með ChatGPT hófst vitsmunaleg iðnbylting. Gervigreind virðist ætla að skila stafrænni umbyltingu sem er sambærileg við fyrri…

— Carolina Moscoso

Reid Hoffman Það er siðferðisleg skylda okkar að þróa gervigreind áfram

Þegar gervigreind ruddist fram á sviðið með ChatGPT hófst vitsmunaleg iðnbylting. Gervigreind virðist ætla að skila stafrænni umbyltingu sem er sambærileg við fyrri áþreifanlegar framfarir í flutningum, flæðisstjórnun og framleiðslu. Árið 2025 og og næstu ár munum við byrja að finna fyrir hversdagslegum áhrifum þess hvernig gervigreindin magnar vitsmunagetu okkar mannanna.

Sum forrit, eins og sérsniðnir gervigreindarlæknar eða leiðbeinendur sem nálgast má allan sólarhringinn með snjallsíma, eru augljós dæmi um hvernig gervigreind mætir alþjóðlegri þörf með núverandi getu sinni. En jafn djúpstæð tækni og gervigreind er mun einnig leiða til stórkostlegra nýjunga sem koma á óvart og munu aðeins virðast augljósar í baksýnisspeglinum.

Ég trúi á frumkvöðlaanda

...