Björn Jóhann Björnsson
Ljósvaki ætlar ekki að eyða mörgum orðum um þá skrítnu ákvörðun RÚV að sýna heimildarmynd á jóladagskvöldi um Johnny King kántrísöngvara. Kannski er það vegna þess að færa þurfti frumsýningu á þáttunum um Vigdísi fram yfir áramót. Hvað sem veldur þá var þetta slæm tímasetning. Nær hefði verið að sýna frábæra tónleika til heiðurs Magnúsi Eiríkssyni tónlistarmanni, sem voru á sömu stöð að kvöldi annars dags jóla.
Upptakan sú var úr Hörpu 1. desember, á degi íslenskrar tónlistar, en á tónleikunum fékk Magnús þakkarorðu fyrir framlag sitt til tónlistar, fyrstur íslenskra tónlistarmanna, en hér eftir verður orðan afhent 1. desember ár hvert á vegum Tónlistarráðs. Það var vel við hæfi að byrja á Magnúsi, sem samið hefur margar perlurnar um ævina. Hógvær maður hann Magnús en frábær gítarleikari, laga- og textasmiður.
Tónleikarnir voru hrein unun á að horfa og
...