Þórður Þorsteinsson fæddist 24. október 1938. Hann lést 11. desember 2024. Útför Þórðar fór fram 19. desember 2024.
Fallinn er frá góður félagi okkar Þórður Þorsteinsson eða Doddi rafvirki eins og hann var oftast kallaður. Það var á haustfundi Sambands íslenskra harmonikuunnenda á Hellu 2015 að Doddi kom að máli við undirritaðan og bar upp þá hugmynd hvort ekki væri tímabært að sameina Harmonikufélag Selfoss og Harmonikufélag Rangæinga. Félögin væru bæði þannig stödd að fáir spilarar voru báðum megin og þetta gæti komið báðum félögunum vel. Ég vissi að í mínu félagi væri ekki spenningur fyrir sameiningu en samstarf vissulega vel skoðandi. Það fór svo að þessi tvö félög byrjuðu að æfa og spila saman eftir áramótin 2015-16 og eru enn að undir merkjum Harmonikusveitar Suðurlands. Doddi átti góðar harmonikur og var ekki hrifinn af þeim nikkum sem ekki höfðu mjúkan tón eða skæru sig úr í
...