30 ára Magnús ólst upp á Helgavatni í Vatnsdal en er bóndi á Bergstöðum á Vatnsnesi. Hann keypti jörðina árið 2019 ásamt sambýliskonu sinni og eru þau með 550 fjár og nokkur hross. Magnús er meðstjórnandi í Félagi sauðfjárbænda í Vestur-Húnavatnssýslu og gjaldkeri í Fjárræktarfélagi Vatnsnesinga.
Fjölskylda Maki Magnúsar er Ingibjörg Jónína Finnsdóttir, f. 1992, bóndi. Börn þeirra eru Jóhanna Bergrós, f. 2020, Kári Freyr, f. 2022, og Gunnar Jökull, f. 2024. Foreldrar Magnúsar eru Valur Magnússon, f. 1967, og Jóhanna Gunnlaugsdóttir, f. 1967, bændur á Helgavatni.