Landsliðsfyrirliðinn Aron Pálmarsson er ánægður með frammistöðu íslenska landsliðsins í handbolta í stórsigrunum á Grænhöfðaeyjum og Kúbu í tveimur fyrstu leikjum liðsins á HM, en riðill Íslands er leikinn í Zagreb í Króatíu
Fyrirliðinn Aron Pálmarsson í banastuði á æfingu íslenska liðsins í Zagreb í Króatíu í gær. Hann er klár í leikinn mikilvæga gegn Slóveníu í kvöld.
— Morgunblaðið/Eyþór
Í Zagreb
Jóhann Ingi Hafþórsson
johanningi@mbl.is
Landsliðsfyrirliðinn Aron Pálmarsson er ánægður með frammistöðu íslenska landsliðsins í handbolta í stórsigrunum á Grænhöfðaeyjum og Kúbu í tveimur fyrstu leikjum liðsins á HM, en riðill Íslands er leikinn í Zagreb í Króatíu.
„Það hefði verið auðvelt að detta niður á eitthvert lélegt plan og gera þetta með hangandi hendi en við gerðum þetta mjög fagmannlega. Það var kannski smá skrekkur í fyrsta leik í seinni hálfleik en þrír góðir hálfleikir af fjórum er gott,“ sagði Aron við Morgunblaðið á hóteli landsliðsins í króatísku höfuðborginni í gær.
Aron var ekki með í leiknum við Grænhöfðaeyjar vegna meiðsla en kom mjög sterkur inn í leikinn við Kúbu, spilaði í um 15 mínútur
...