Appelsínugular veðurviðvaranir á Austfjörðum féllu úr gildi á miðnætti. Hæglætisveðri er spáð í kvöld.
Óvissustig á Austfjörðum og hættustig á Seyðisfirði og í Neskaupstað vegna snjóflóðahættu eru enn í gildi. Í dag munu sérfræðingar Veðurstofunnar endurmeta stöðuna.
Síðustu daga hefur mikið snjóað á Austfjörðum. Í fyrradag féllu snjóflóð í Færivallaskriðum og Hvalnesskriðum og í gær féllu þrjú nokkuð stór snjóflóð ofan og innan við Neskaupstað.
Ákveðið var að rýma fjögur hús í Bakkahverfi á Seyðisfirði norðan Fjarðarár til viðbótar við rýmingu húsa undir Strandartindi í fyrradag. Björgunarsveitarmenn gengu í þau tvö fjölbýlishús sem voru rýmd og veittu íbúum leiðbeiningar.
Þá var bætt í framkvæmdir við varnarvirki vegna ofanflóða bæði í Neskaupstað og
...