Anna Kolbeinsdóttir fæddist í Reykjavík 14. júlí 1982. Hún varð bráðkvödd á heimili sínu í Reykjavík 6. janúar 2024.
Hún var dóttir Kolbeins I. Arasonar flugstjóra og Þóru K.M. Óladóttur.
Systkini Önnu eru Hrafnkell Tumi Kolbeinsson, Ari Kolbeinsson og Halla Kolbeinsdóttir. Sonur Önnu er Andri Freyr Bjarnason, f. 2001.
Útförin fer fram frá Fríkirkjunni í Reykjavík í dag, 24. janúar 2025, klukkan 15.
Elsku Anna mín.
Ég á svo erfitt með að trúa því að þú sért farin, tilfinning sem ég held að margir þeirra sem voru þér nástaddir deili. Mér fannst þú alltaf vera einhvern veginn ósigrandi. Litla stelpan sem var samt svo stór. Stór persónuleiki, stórt skap og risastórt hjarta.
...