Hulduheimar Leikskólinn mun taka á móti 30 fleiri börnum eftir stækkun.
— Ljósmynd/Reykjavíkurborg
Borgarráð hefur samþykkt að heimila umhverfis- og skipulagssviði að bjóða út framkvæmdir vegna viðbyggingar og framkvæmda á lóð leikskólans Hulduheima í Grafarvogi.
Gert er ráð fyrir að hefja framkvæmdir vorið 2025 og er stefnt að því að þeim verði lokið í júní 2026.
Heildarkostnaðaráætlun hljóðar upp á 350 milljónir króna. Þar af er kostnaður við lóð áætlaður 31 milljón og kostnaður vegna færslu á lögnum Veitna 15 milljónir. Viðbyggingin verður 265 fermetrar.
Leikskólinn Hulduheimar stendur við Vættaborgir 11 í Grafarvogi. Hann var formlega opnaður í nóvember 1997.
Starfsfólk er 25 talsins og geta um 77 börn dvalið þar samtímis á fjórum deildum.
Deildirnar
...