Jóhann Rúnar Björgvinsson
Nóbelsverðlaunahafinn í hagfræði Joseph Stiglitz hefur gagnrýnt hagfræðinga seðlabanka víða um heim og haldið því fram að stýrivaxtahækkanir geti virkað eins og olíu á verðbólguna. Getur það verið raunin hér á landi. Í umræðunni undanfarin misseri hefur verið tekist á um hver sé meginorsök þenslunnar/verðbólgu; eru það launahækkanir, mikill tekjuhalli hins opinbera, snarpur vöxtur í ferðaþjónustu eða stýrivaxtahækkanir Seðlabankans?
Nokkrar hagtölur
Árið 2022 var mjög afdrifaríkt í hagstjórn landsins því erlendum ferðamönnum fjölgaði um rúmlega eina milljón [1], eða úr um 698 þúsund í 1.718 þúsund og heildartekjur af ferðaþjónustu jukust um 430 milljarða króna. Veruleg þensla skapaðist í hagkerfinu og hækkaði neysluverðsvísitalan um 7 prósentustig fyrstu sex mánuði ársins á sama tíma
...