Holland Kristian Nökkvi hefur skorað 8 mörk í 29 leikjum Ajax.
— Ljósmynd/Alex Nicodim
Kristian Nökkvi Hlynsson, knattspyrnumaðurinn efnilegi, er að öllum líkindum á leið til Spörtu frá Rotterdam í láni frá Ajax en bæði lið leika í hollensku úrvalsdeildinni. Kristian, sem er 21 árs, var fastamaður í liði Ajax í fyrravetur en hefur fengið fá tækifæri á þessu tímabili. Fyrrverandi þjálfari Ajax stýrir Spörtu sem er í þriðja neðsta sæti deildarinnar. Sparta fékk á dögunum Nökkva Þey Þórisson lánaðan frá St. Louis City í Bandaríkjunum.