Hátæknifyrirtækið Hefring Marine tilkynnti á dögunum að gengið hefði frá samningi við norska björgunarfélagið, Redningsselskapet (RS), um kaup og uppsetningu á snjallsiglingakerfinu IMAS í öllum flota björgunarfélagsins
Hátækni Snjallsiglingatækni frá Hefring Marine nýtir nema og gervigreind til að veita skipstjórnendum ráðleggingar um siglinguna.
— Ljósmynd/Redningsselskapet
Gunnlaugur Snær Ólafsson
gso@mbl.is
Hátæknifyrirtækið Hefring Marine tilkynnti á dögunum að gengið hefði frá samningi við norska björgunarfélagið, Redningsselskapet (RS), um kaup og uppsetningu á snjallsiglingakerfinu IMAS í öllum flota björgunarfélagsins.
„Þessi samningur markar mikilvægan áfanga í samstarfinu sem hófst árið 2020, þegar Redningsselskapet tók í notkun frumgerð IMAS-kerfis Hefring Marine. Í gegnum árin hefur samstarfið vaxið jafnt og þétt og nýta nú átta skip hið nýja kerfi,“ sagði í tilkynningunni.
RS upplýsir að áætlanir geri ráð fyrir að kerfinu verði komið fyrir í 50 björgunarskipum á árunum 2025 og 2026, en vekur jafnframt athygli á að markmiðið sé að koma kerfinu í öll 58 björgunarskip
...