Fjölmennt var í húsakynnum Rauða krossins við Eyjafjörð þegar því var fagnað að 100 ár voru liðin frá stofnfundi Akureyrardeildar Rauða krossins. Deildin var fyrsta Rauðakrossdeildin sem stofnuð var hér á landi og hefur frá upphafi verið ein sú öflugasta
Veisla Fjölmargir litu inn í tilefni af því að 100 ár voru í gær liðin frá því að fyrsta Rauðakrossdeildin hér á landi var stofnuð; Akureyrardeild.
Margrét Þóra Þórsdóttir
Akureyri
Fjölmennt var í húsakynnum Rauða krossins við Eyjafjörð þegar því var fagnað að 100 ár voru liðin frá stofnfundi Akureyrardeildar Rauða krossins. Deildin var fyrsta Rauðakrossdeildin sem stofnuð var hér á landi og hefur frá upphafi verið ein sú öflugasta. Yfir 300 sjálfboðaliðar taka þátt í störfum deildarinnar, sem sinnir fjölbreyttum verkefnum, eða nær öllum sjálfboðaliðaverkefnum sem Rauði krossinn býður upp á á landsvísu.
Rauðakrossdeildir við Eyjafjörð sameinuðust í eina deild í maí árið 2013 þegar Akureyrar-, Dalvíkur-, Ólafsfjarðar- og Siglufjarðardeildirnar urðu að einni sem kennd er við Eyjafjörð.
Fjölbreytt verkefni
Ingibjörg Halldórsdóttir deildarstjóri og Þorsteinn
...