Einleikarinn Ari Þór frumflytur nýjan fiðlukonsert eftir Þórð

Nýr fiðlukonsert eftir Þórð Magnússon verður frumfluttur í Eldborgarsal Hörpu í kvöld, fimmtudag 30. janúar, klukkan 19.30, að því er segir á vef Sinfóníuhljómsveitar Íslands. Segir þar jafnframt að efnisskrá tónleikanna sé einstaklega litrík og glæsileg og þá sé það sérstakt ánægjuefni að heiðurshljómsveitarstjóri Sinfóníuhljómsveitar Íslands, hinn finnski Osmo Vänskä, stjórni frumflutningi Ara Þórs Vilhjálmssonar fiðluleikara á þessum nýja fiðlukonsert.