Manchester City mætir annaðhvort Real Madrid eða Bayern München í umspili Meistaradeildar karla í fótbolta og Liverpool gæti mætt París SG í 16-liða úrslitum, þrátt fyrir að hafa unnið deildarkeppnina
Stórsigur Hákon Arnar Haraldsson fagnar með samherjum í Lille eftir að hafa átt þátt í fimmta markinu í stórsigri á Feyenoord í fyrrakvöld.
— AFP/Sameer Al-Doumy
Meistaradeild
Víðir Sigurðsson
vs@mbl.is
Manchester City mætir annaðhvort Real Madrid eða Bayern München í umspili Meistaradeildar karla í fótbolta og Liverpool gæti mætt París SG í 16-liða úrslitum, þrátt fyrir að hafa unnið deildarkeppnina.
Þetta er meðal þess sem liggur fyrir að lokinni áttundu og síðustu umferð Meistaradeildarinnar sem leikin var í fyrrakvöld en klukkan 11 í dag verður dregið til umspilsins og sextán liða úrslitanna.
Þar sem þegar er búið að hólfa liðin 24 niður fyrir dráttinn eru línurnar nokkuð skýrar og ljóst hvaða lið geta lent saman í báðum umferðunum. Lokastaða liðanna í deildarkeppninni stýrir þeim inn í ákveðin hólf í drættinum.