Af lýðræði, hana og Þingeyingum

Friðrik Steingrímsson frá Mývatnssveit heyrði af því að fólki hefði verið sagt upp sem rannsakaði sakamál gegn Trump:

Lýðræðið þar sagt er synd

og sóa lífi flestra,

óðum tekur á sig mynd

einræðið þar vestra.

Veðurlýsingar Jóns Gissurarsonar eru engu líkar: „Hér á slóðum Stefáns G. hefur verið þoka í allan morgun. Örlítill norðaustan andvari, sem ekki nær einum metra á sekúndu, líður um svæðið með tveggja til þriggja gráðu frosti. Aðeins hefur muggað hér í nótt og snjódýptin svona um það bil í skóvarp. Verra gæti það alveg verið, en hrímið og þokan valda þó stundum minni hughrifum.

Enn við dokar vetrar