„Að ná íslenskunni vel og afla sér góðrar almennrar menntunar skiptir miklu til þess að geta verið virkur þátttakandi. Nú finnst mér ég vera komin í miklu betri stöðu en ég var og vil halda áfram í námi,“ segir Ewa Lizewska Beczkowska,…
Verslunarfólk Keníamaðurinn Robert Owuor og hin pólska Ewa Lizewska Beczkowska hér á vakt í búðinni.
— Morgunblaðið/Sigurður Bogi
Sigurður Bogi Sævarsson
sbs@mbl.is
„Að ná íslenskunni vel og afla sér góðrar almennrar menntunar skiptir miklu til þess að geta verið virkur þátttakandi. Nú finnst mér ég vera komin í miklu betri stöðu en ég var og vil halda áfram í námi,“ segir Ewa Lizewska Beczkowska, aðstoðarverslunarstjóri hjá Nettó í Nóatúni í Reykjavík. Á dögunum útskrifaðist hún með verslunarpróf frá Verzlunarskóla Ísland, eftir að hafa stundað fagnám í verslunar- og þjónustustörfum, eins og hún var hvött til og studd af yfirmönnum sínum hjá Samkaupum.
Styrkur til framgangs
Samkaup reka tugi verslana víða um land sem eru undir ýmsum merkjum; Nettó þar á meðal. Hjá fyrirtækinu eru 1.290 starfsmenn og um þriðjungur þeirra er af erlendu bergi brotinn. Alls eru þjóðernin 38. „Okkur er
...