30 ára Inga er Breiðhyltingur, ólst upp í Seljahverfi en býr nú í Garðabæ. Hún er sjúkraþjálfari frá HÍ og vinnur í Klínik sjúkraþjálfun í Bæjarlind í Kópavogi en er í fæðingarorlofi. Áhugamálin eru heilsa og hreyfing, lestur, prjónaskapur og golf og Inga stundar einnig crossfit.
Fjölskylda Eiginmaður Ingu er Tómas Helgi Wehmeier, f. 1993, tónlistarmaður og vinnur í Seljahlíð. Börn þeirra eru Theódór Ingi, f. 2022, og Arna Bríet, f. 2024. Sonur Tómasar er Tumi, f. 2015. Móðir Ingu er Rut Jónsdóttir, f. 1972, lögreglufulltrúi, og stjúpfaðir hennar er Magnús Vignir Guðmundsson. Þau eru búsett á æskuheimili Ingu. Faðir Ingu er Ari Sigurðsson, f. 1968, umsjónarmaður fasteigna, og stjúpmóðir hennar er Hanna María Helgadóttir. Þau eru búsett í Mosfellsbæ.