Vanur Callum Lawson hefur leikið með fjórum íslenskum liðum.
— Morgunblaðið/Árni Sæberg
Breski körfuknattleiksmaðurinn Callum Lawson er kominn til Íslands enn á ný og er genginn til liðs við Keflvíkinga í annað sinn á ferlinum. Lawson, sem er 28 ára framherji, hefur í vetur leikið með Crailsheim í þýsku B-deildinni. Hann kom fyrst til Íslands árið 2020 og lék með Keflavik en varð ári síðar Íslandsmeistari með Þór í Þorlákshöfn. Hann vann titilinn aftur með Val ári síðar og lék á Hlíðarenda í tvö ár en síðan með Tindastóli á síðasta tímabili.